Previous Next

Жасөспірімдер арасындағы жағымсыз құбылыстардың алдын алу

Профилактикалық жұмыс аясында «Петровка орта мектебі»  оқушылары үшін қазіргі қоғамның өзекті мәселелеріне арналған деректі фильмдер мен әлеуметтік бейнероликтер көрсетілді.

Іс-шараның негізгі мақсаты – оқушылардың өз денсаулығына, қауіпсіздігіне және болашағына жауапкершілікпен қарау көзқарасын қалыптастыру. Көрсетілім барысында нашақорлықтың, алкоголизмнің, лудоманияның, дропперліктің, буллингтің, сондай-ақ жасөспірімдердің өмірі мен әл-ауқатына қауіп төндіретін басқа да жағымсыз құбылыстардың алдын алу мәселелері қамтылды.

Көрсетілімнен кейін оқушылармен пікірталас ұйымдастырылып, олар өз әсерлерімен бөлісіп, көтерілген мәселелер бойынша ойларын ортаға салды. Сондай-ақ саналы таңдау жасаудың, заң талаптарын сақтаудың, өзара құрмет көрсетудің және шынайы өмірде де, цифрлық кеңістікте де жауапкершілікпен әрекет етудің маңыздылығы жөнінде қорытынды жасады.

Осындай профилактикалық іс-шаралар білім алушылардың құқықтық сауаттылығын арттыруға, сыни ойлау қабілетін дамытуға, қауіпсіз мінез-құлық дағдыларын қалыптастыруға және салауатты өмір салты құндылықтарын нығайтуға ықпал етеді.